Əli Baqiri Səudiyyə Ərəbistanının Xarici İşlər naziri Feysəl bin Fərhan ilə telefon danışığında Səudiyyə Ərəbistanı rəsmilərinin başsağlığı mesajlarına və ölkəmizin şəhid Prezidenti və Xarici İşlər nazirinin anım mərasimində bu ölkənin iki yüksək səviyyəli nümayəndə heyətinin iştirakına görə təşəkkür edib.
arannews:irna-Xarici İşlər nazirinin vəzifələrini icra edən Əli Baqiri builki Həcc mərasiminin mümkün qədər uğurla keçirilməsi üçün Səudiyyə Ərəbistanı ilə əməkdaşlığı vurğulayıb və iki ölkə arasında yaxşı konsulluq əməkdaşlığının davam etdirilməsinin zəruriliyini xatırladıb.
Diplomatik qurumun başçısı sionist rejimin Qəzza zolağında, xüsusən də Rəfahdakı cinayətlərinə toxunaraq əlavə edib: “Son günlər Rəfah bölgəsində fələstinli qaçqınlara qarşı faciəli və acı hadisələrin şahidi olduq və onlara qarşı törədilən bu cinayətlərdə onlarla günahsız, müdafiəsiz, məzlum qadın və uşaq şəhid oldu.”
Baqiri bildirib: “Bu vəhşi hücumlar şər və qəddar sionist rejimin ağır cinayətlərinə daha bir rüsvayçı səhifə əlavə etdi. Qüdsü işğal edən rejim bütün beynəlxalq arenalarda, o cümlədən siyasi, beynəlxalq hüquq və ictimai diplomatiya arenalarında misli görünməmiş uğursuzluqlarla üzləşib. Eyni zamanda Rəfəhdə cinayət yolu ilə bunun əvəzini çıxmağa çalışır.”
Xarici İşlər nazirinin səlahiyyətlərinin icraçısı vurğulayıb: “Bu gün Qəzzədə, xüsusilə Rəfahda məzlum Fələstin xalqına dəstək olmaq bizim dini və islami borcumuzdur. İslam və region ölkələrinin bir-biri ilə əməkdaşlıq etməsi və bununla bağlı əməli tədbirlər görməsi zəruridir.”
Səudiyyə Ərəbistanının Xarici İşlər naziri Feysəl bin Fərhan da builki Həcc mərasimlərində iranlı zəvvarların iştirakından məmnunluğunu ifadə edərək deyib: “Biz iranlı zəvvarlar üçün lazım olan bütün şəraiti təmin etməyə çalışırıq.”
Səudiyyə Ərəbistanının Xarici İşlər naziri Qəzzə və Rəfah bölgəsində baş verən faciəvi hadisələrə toxunaraq deyib: “İsrail cinayətləri üçün heç bir sərhəd tanımır.”
Söhbətin sonunda tərəflər iki ölkə arasında məsləhətləşmələrin davam etdirilməsini vurğulayıblar.