Seçilmiş prezident deyib: İran İslam Respublikası bütün ölkələrin ərazi bütövlüyünə hörmət edir və beynəlxalq sərhədlərdə istənilən dəyişikliyə qarşıdır.
arannews:irna-Çərşənbə axşamı axşam saatlarında Ermənistanın baş naziri Nikol Paşinyan seçilmiş prezidentlə telefon danışığında Məsud Pezeşkianın prezident seçkilərindəki qələbəsini təbrik edərək, onun uzun keçmişli və uğurlu siyasi fəaliyyətinə toxunaraq dedi: Ayətullah Rəisinin həyatını itirməsinə görə təəssüf hissimi bir daha ifadə etməyi zəruri hesab edirəm. Onun dövründə ölkələrimiz arasında münasibətlər prosesi yaxşı inkişaf edib və Ermənistan Şəhid Rəisinin dövründə bağlanmış bütün razılaşmalara sadiqdir. Bu telefon danışığında Pezeşkian da Ermənistanın baş nazirinə göstərdiyi xeyirxahlıq və təbrik mesajına görə təşəkkür edərək deyib: Ermənistan İranın qonşuları arasında mühüm mövqeyə malikdir və bu ölkə ilə əlaqələr İslam Respublikasının xarici siyasət sistemində çox önəmlidir. İranın Ermənistanla sərhədi qısa olsa da, ümid və dinc həyatın sərhədidir və bizim sizə qarşı prinsipial siyasətimiz toxunulmazdır.
Seçilmiş prezident İran İslam Respublikasının bütün ölkələrin ərazi bütövlüyünə hörmət etdiyini və beynəlxalq sərhədlərdə istənilən dəyişikliyə qarşı olduğunu vurğulayaraq bəyan edib: Biz Ermənistan və Azərbaycan Respublikası arasında sülh danışıqlarını dəstəkləyirik və bununla bağlı hər cür yardıma hazırıq.