Mərkəzi Londonda yerləşən İslami İnsan Haqları Komissiyasının rəhbəri Almaniya polisinin bu ölkənin İslam mərkəzlərinə hücumunu məscidlərə qarşı təhqirdən daha artıq olduğu qənaətinə varıb və bunu Həzrət Məhəmmədin (s) pak dini İslama qarşı müharibənin simvolu kimi qiymətləndirib.
arannews:parstoday-Məsud Şəcərə çərşənbə gecəsi deyib: Bu hadisə, şübhəsiz ki, islamofobiyanın artması və Həzrət Məhəmmədin (s) pak İslamının liberal və tağut sisteminə uyğun olan İslamla əvəzlənməsinin nəticəsidir. O əlavə etdi: Qərb dini siyasətdən, iqtisadiyyatdan və cəmiyyətdən ayırmağa və onu ibadət edənlə Allah arasındakı fərdi münasibətlə məhdudlaşdırmağa çalışır ki, bunun vətəndaş cəmiyyəti ilə heç bir əlaqəsi yoxdur, bu hərəkət İslamın pak təliminin tam əksidir.
İslami İnsan Haqları Komissiyasının sədri deyib: Qərb İranda İslam İnqilabının qələbəsindən sonra həqiqi İslamın zühurundan son dərəcə narahat oldu. Çünki Qərb, ilk dəfə olaraq dinin siyasət sahəsində və özlərinin dünyanı müstəmləkə etmək planları qarşısında mərkəzi rolunun şahidi olmuş və bu səbəbdən də heç bir effekti olmayan və hegemon sistemlə əlaqəli yeni bir İslam görüntüsünü təqdim etməyə çalışdı. Belə ki, İmam Xomeyni (r.ə.) onu “Amerika İslamı” və İslam İnqilabının Ali Rəhbəri Ayətullah Xamenei onu “İngiltərə şiəliyi” adlandırır.
O, Almaniyada İslam mərkəzləri ilə bağlı son hadisəyə toxunaraq xəbərdarlıq edib ki, Qərb Həzrət Məhəmmədin (s) xalis İslamını təbliğ edən təşkilatları bağlamağa və ya nəzarətə götürməyə çalışır.