Ölkənin əhli-sünnə alimlərindən üç min nəfəri İslam İnqilabının Ali Rəhbəri Ayətullah Xameneiyə məktub yazaraq zəfərli “Doğru Vəd 2” əməliyyatına görə təşəkkür və dəstəklərini ifadə ediblər.
arannews:irna-Məktubda İslam İnqilabının Ali Rəhbərinə müraciət olunaraq bildirilir: “Həzrət-Alinin qüdrətli və müdrik rəhbərliyi və izzətli təmkin göstərdikdən sonra İran İslam İnqilabı Keşikçiləri Korpusunun güclü əli ilə İslam ümmətinin və Allah ordusunun qəzəbindən qaynaqlanan qəzəb atəşi ilə Mehr ayının 10-u (1 oktyabr) axşam saatlarında işğal olunmuş ərazilərin qəlbinin hədəfə alınması ilə şəhid ailələrinin, müdafiəsiz Fələstin xalqının və dünyanın bütün azad insanlarının kədərli ürəyi yenidən rahatlıq tapdı, Qüdsi-şərifin mətanətli mübarizlərinə dünya imperializminin qeyri-qanuni övladı olan mənfur sionist rejimin şərəfsiz ömrünün sonuna qədər ona qarşı mübarizə aparmaq üçün yeni həyat və yorulmaz əzm verdi.” Məktubun davamında bildirilir: “Biz ölkənin bir qrup imam cüməsi, imam camaatı və təbliğatçıları Quran, İslam təlimləri, vəhdət və açıqlama cihadı yolunun xidmətçiləri olaraq Həzrət-Alinin Tehranda son cümə namazında maarifləndirici bəyanatlarını və düşmənləri sındıran moizələrini təqdir etməklə, mərhum İmamın (r), uca məqamlı şəhidlərin idealları ilə və əzəmətli Rəhbərə tabeçilik əhd-peymanını təzələməklə yanaşı, İran İslam Respublikasının qəhrəman SEPAH-nın və qürurlu Silahlı Qüvvələrinin işğalçı və uşaq öldürən rejimə qarşı zəfərli “Doğru Vəd 2” əməliyyatına görə müdrik Rəhbərə, Allah rolunun sərkərdələri və mücahidlərinə ürəkdən minnətdarlığımızı bildiririk.”