İran İslam Respublikasının Xarici İşlər naziri deyib: “Əgər Qərb BMT-nin bütün sanksiyalarını yenidən tətbiq etməklə hədələməkdə davam edərsə, İran daxilində nüvə müzakirələri çox güman ki, silaha sahib olmağa keçəcək.”
arannews :irna-İngiltərənin “Guardian” qəzeti Seyid Abbas Əraqçının Portuqaliyada əcnəbi jurnalistlərlə görüşü barədə xəbərdə yazıb: Əraqçi Lissabonda İran və Avropa müzakirəçilərinin Cenevrə görüşündən əvvəl çıxış etdi və cümə günü (noyabrın 29-da) keçiriləcək görüşü onların çıxılmaz vəziyyətdən çıxış yolunun olub-olmadığını öyrənmək üçün beyin fırtınası sessiyası kimi xarakterizə etdi. O, görüşlə bağlı nikbin olmadığını bildirdi və İranın doğruçu tərəflə danışıqlar apardığına əmin olmadığını dedi. İranın diplomatik qurumunun rəhbəri jurnalistlərə dedi ki, əgər Qərb BMT-nin bütün sanksiyalarını bərpa etməklə hədələməkdə davam edərsə, çox güman ki, İran daxilində nüvə müzakirələri (nüvə) silaha malik olmağa meyllənəcək.
Eyni zamanda Əraqçi deyib: İranın əvvəllər də nüvə silahı hazırlamaq bacarığı və biliyi olub, lakin bu məsələ ölkənin təhlükəsizlik strategiyasının bir hissəsi deyil.
Xarici İşlər naziri jurnalistlərə açıqlamasının davamında deyib: Direktorlar Şurasının bu yaxınlarda qəbul etdiyi qərardan sonra İran minlərlə yeni və yüksək səviyyədə inkişaf etmiş sentrifuqanın tətbiqinə qərar verib. Bu maşınlara qaz vurulmasına başlanılıb. Bu, onların təzyiqinin nəticəsidir.
Seyid Abbas Əraqçi əlavə edib: Hazırda biz 60%-dən çox zənginləşdirmək niyyətində deyilik və bu, bizim indiki qərarımızdır. Bir daha vurulamaq istəyirəm ki, biz bu məsələni şərəflə həll etmək üçün əməkdaşlıq xətti seçmişik.
Xarici İşlər naziri deyib: İran Rusiyaya ballistik raketlər verməyib. Tehranın Moskva ilə hərbi əməkdaşlığı uzun müddətdir mövcuddur və tamamilə qanunidir. Təbii ki, İran Ukraynanın ərazi bütövlüyünü dəstəkləyib və dəstəkləməkdə davam edir.
Əraqçi qeyd edib ki, Hizbullah və digərləri bizim vəkil qruplarımız deyil. Biz onları yalnız dostumuz kimi dəstəkləyirik. Ona görə də biz onlara və ya bölgədəki hər hansı digər müqavimət qrupuna heç vaxt nəyisə diktə etməmişik. Onlar özləri qərar verirlər və özləri qərarlarını həyata keçirirlər.
Diplomatik qurumun başçısı deyib: HƏMAS ilə atəşkəs israillilər üçün tam uğursuzluq olacaq. Onlar HƏMAS-ı məhv etmək üçün ora getdilər və indi isə HƏMAS-la razılaşmağa məcburdurlar. Bu o deməkdir ki, onlar öz məqsədlərinə nail ola bilməyiblər. Ona görə də Qəzzədə atəşkəs çox mürəkkəb məsələyə çevrilib.