Prezident Pakistanın Baş naziri ilə görüşündə dünyanın indiki həssas və təhlükəli dövründə vahid valyuta yaratmaq və ortaq bazarların tutumundan istifadə etməklə İslam dünyasındakı birlik və vəhdəti, eləcə də İslam ölkələri arasında iqtisadi əlaqələrin gücləndirilməsini zəruri adlandırıb, İran İslam Respublikasının bütün İslam ölkələri, xüsusilə də Pakistanla qarşılıqlı fəaliyyətdə bu mühüm məqsədləri həyata keçirməyə hazır olduğunu vurğulayıb.
arannews:irna-D8 Əməkdaşlıq Təşkilatına üzv ölkələrin 11-ci sammitində iştirak etmək üçün Misirə səfər edən Məsud Pezeşkiyan 19 dekabr cümə axşamı, axşam saatlarında Pakistanın Baş naziri Şahbaz Şəriflə görüşüb.
Prezident bu görüşdə İran İslam Respublikası ilə Pakistan arasındakı münasibətləri dostluq və qardaşlıq münasibətləri kimi dəyərləndirib, iki ölkə arasında qarşılıqlı əlaqələrin gücləndirilməsi və inkişaf etdirilməsi, o cümlədən sərhəd əməkdaşlığı sahəsində və iki ölkənin sərhədlərinin sülh və dostluq sərhədləri kimi möhkəmləndirilməsi, terrorizmə qarşı birgə mübarizə və enerji sahəsində əməkdaşlığın inkişaf etdirilməsinin zəruriliyini vurğulayıb.
Bu görüşdə İran İslam Respublikasının Prezidenti və Pakistanın Baş naziri iki ölkə arasında icrası gecikən qaz müqaviləsini müzakirə ediblər. Bu kontekstdə razılaşdırılıb ki, iki ölkənin nazirləri bu sazişin həyata keçirilməməsi qarşısındakı əsas maneələri müəyyən etsinlər və bu maneələrin aradan qaldırılması üçün tədbirlər görsünlər, və iki ölkənin energetika nazirləri bunu tez bir zamanda həyata keçirsinlər.