Prezident deyib: “Qonşularla münasibətləri inkişaf etdirmək və möhkəmləndirmək 14-cü hökumətin Ali Məqamlı Rəhbərin müəyyən etdiyi baxışa əsaslanan prioritet istiqamətlərindən biridir. Bu məsələ hazırkı hökumət tərəfindən güclü şəkildə izlənilir.”
arannews:irna-Məsud Pezeşkiyan bu gün, çərşənbə, 15 yanvar 2025-ci ildə Tacikistana yola düşməzdən əvvəl Tehranın Mehrabad hava limanında deyib: “Ortaq dil və tarixə malik olduğumuz qonşu Tacikistan ölkəsinə səfər zamanı su, kənd təsərrüfatı, elm, mədəniyyət, sənaye, ticarət, nəqliyyat və mədən sahələrində birgə əməkdaşlıq sənədləri imzalanacaq. Bu ölkə ilə əlaqələrimizi dərinləşdirməyə çalışırıq.” Prezident vurğulayıb: “Rusiya və Tacikistana səfər bu iki ölkə prezidentinin rəsmi dəvətinə cavab olaraq həyata keçirilir.”
“Rusiyaya səfər zamanı da iqtisadi, elmi, sənaye, kənd təsərrüfatı və təhlükəsizlik məsələləri ilə bağlı hərtərəfli strateji sənəd imzalanacaq” - deyə, doktor Pezeşkiyan əlavə edib.
Prezident digər qonşu ölkələrlə də hərtərəfli əməkdaşlıq sənədlərinin imzalanması üçün işlər görüldüyünü bəyan edərək deyib: “Belə bir sənəd İraqla da imzalanacaq. Münasibətlərin yaxşılaşdırılması, təcrübələrin ötürülməsi və son nəticədə region ölkələri arasında daha çox koordinasiya və əməkdaşlıq həyata keçiriləcək.”
Pezeşkiyan deyib: “Regionda nəqliyyat, energetika, mədəniyyət, elm və sənaye sahələrində əlaqələrin genişləndirilməsi prosesini davam etdirməklə biz problemlərimizi həll edə bilərik və Amerikanın region ölkələrinə qarşı göstərməyə çalışdığı təzyiqlər öz-özünə zərərsizləşəcək.