İran xarici işlər nazirinin siyasi məsələlər üzrə müavini ABŞ prezidentinin İran İslam Respublikası əleyhinə sözlərinin beynəlxalq forumlar, o cümlədən Şanxay Əməkdaşlıq Təşkilatı tərəfindən pislənməsini istəyib.
arannews:parstoday-Bunu Məcid Təxt Rəvançi aprelin 3-də Rusiya Xarici İşlər Nazirliyinin ev sahibliyi ilə Moskvada keçirilən Şanxay Əməkdaşlıq Təşkilatına üzv ölkələrin xarici işlər nazirləri müavinlərinin iclasında deyib. İclasda Amerika prezidentinin son zamanlar İran İslam Respublikasına qarşı güc tətbiq etmək hədəsinə işarə edən Təxt Rəvançi, Trampın sözlərini təhlükəli, beynəlxalq hüququn fundamental prinsiplərinə, həmçinin ölkələrin ərazi bütövlüyü və siyasi müstəqilliyinə qarşı gücdən istifadəni qadağan edən BMT Nizamnaməsinə zidd adlandırıb.
İran xarici işlər nazirinin siyasi məsələlər üzrə müavini İranın BMT Təhlükəsizlik Şurasından bu sözləri pisləmək tələbinə də toxunub, beynəlxalq sülh və təhlükəsizliyi qorumaq üçün Şanxay Əməkdaşlıq Təşkilatını da ABŞ-ın bu yanaşmasını pisləməkdə oxşar mövqe nümayiş etdirməyə çağırıb.