Xarici işlər naziri ABŞ prezidentinin xüsusi nümayəndəsi ilə dolayı danışıqların başlaması ərəfəsində bildirib ki, qarşı tərəfin kifayət qədər iradəsi olarsa, biz danışıqların qrafikinə qərar verəcəyik və əlavə edib: Bizim niyyətimiz bərabər mövqedən ədalətli və şərəfli razılaşma əldə etməkdir.
arannews:parstoday-Omanın xarici işlər naziri Seyid Bədr Əl-Busəidlə görüşdükdən və “ABŞ ilə dolayı danışıqların aparılması” üçün tənzimləmələri müzakirə etdikdən sonra xarici işlər naziri Seyid Abbas Əraqçi deyib: “Bu səfərdə məni müşayiət edən komanda bu sahədə tam mütəxəssis və məlumatlı olan və bu mövzuda danışıqlar tarixinə malik olan dostlardan ibarətdir və biz də lazımi şəkildə iştirak etdik”.
O, məqsədimizin bərabər mövqedən ədalətli və şərəfli razılaşma əldə etmək olduğunu vurğulayaraq dedi: “Qarşı tərəf də eyni prizmadan çıxış edərsə, danışıqlar yoluna aparacaq ilkin anlaşma şansı yaranar”.
Xarici işlər naziri bu görüşdə bir çox əsas və fundamental məsələlərə aydınlıq gətiriləcəyini qeyd edərək, belə izah edib: Məsələn, hər iki tərəfin kifayət qədər iradəsi olsa, biz də vaxt qrafiki ilə bağlı qərar verəcəyik, lakin bu barədə danışmaq hələ tezdir. Hələlik aydın olan odur ki, danışıqlar dolayı xarakter daşıyacaq və bizim fikrimizcə, yalnız nüvə məsələsində və İran xalqının milli maraqlarının təmin olunmasına gətirib çıxaracaq bərabər mövqedən razılığa gəlmək üçün lazımi iradə ilə baş tutacaq.