Milli Təhlükəsizlik Nazirliyinin Qusar rayon şöbəsi və Qusar RPŞ əməkdaşlarının birgə həyata keçirdikləri əməliyyat tədbirləri nəticəsində rayon ərazisindən xeyli hərbi vasitə və digər əşyalar tapılıb
Azərbaycan servisi/Aran Agentliyi
Daxili İşlər Nazirliyi (DİN) Daxili Qoşunların Baş İdarəsi, Milli Təhlükəsizlik Nazirliyinin Qusar rayon şöbəsi və Qusar RPŞ əməkdaşlarının birgə həyata keçirdikləri əməliyyat tədbirləri nəticəsində rayon ərazisindən xeyli hərbi vasitə və digər əşyalar tapılıb.
Bu barədə Lent.az-a DİN mətbuat xidmətindən məlumat verilib. Rayon ərazisindəki 5 xüsusi saxlanc yerindən 1 ədəd Azərbaycanın coğrafi xəritəsi, 1 ədəd mobil telefon, 1 ədəd 2 manatlıq və 1 ədəd 5 manatlıq "Nar" və 1 ədəd 2 manatlıq "Sim-sim" danışıq kartı, 1 ədəd taxta saplı bıçaq, 1 ədəd tibbi şpris sistemi, 4 ədəd sintetik materialdan tikilmiş boz rəngli çanta, 1 ədəd üzərində ərəb əlifbası ilə sözlər yazılmış qara rəngli parça, 1 ədəd 2 litrlik plastmas qabda selitra gübrəsinə oxşar ağ rəngli maddə, 1 ədəd dəmir biz, 2 ədəd yeyə, 1 ədəd balta, 1 ədəd mişar, 4 ədəd təzə bel ucluğu, 13 ədəd "Yaesu" radiostansiyası dəsti, 3 ədəd kompakt disk, 5 ədəd müxtəlif kompüter naqili, 1 ədəd qara rəngli torbanın içində "Cobra" firmasına məxsus gecəgörmə cihazının başlığı, qurğu hissəsi və 2 ədəd həmin cihazın pasportu, 1 ədəd gecəgörmə cihazı (tam komplekt), 3 dəst təzə hərbi səhra geyimi, 1 ədəd hərbi isti başlıqlı gödəkcə, 2 cüt "Vibram" firmasına məxsus qara rəngli çəkmə, 1 ədəd qısaqol kişi köynəyi, 1 cüt rezin çəkmə, 1 cüt "Gore-Tex" firmasına məxsus çəkmə, 1 ədəd üzərində "Djixad i problemı sovremennoqo mira" və 1 ədəd "Kniqa Mudjaxida" yazılmış kitab, çiyin çantasının içərisində 1 ədəd yaşıl, 1 ədəd qara rəngli çadır və həmin çadırları quraşdırmaq üçün dirəklər, 1 ədəd kağız yapışqanı, 1 ədəd üz fırçası, 1 ədəd "PM" tapançasının koburası, 1 ədəd yaşıl rəngli yağmurluq plaşı, xeyli miqdarda müxtəlif ərzaq məhsulu, dərman preparatları və s. aşkarlanaraq götürülüb.