Qarabağ münaqişəsi tərəfləri Dağlıq Qarabağ münaqişəsinin həlli ilə bağlı müqavilə imzalanana qədər təməl həll prinsipləri üzrə saziş imzalamalıdırlar
Ermənistan servisi/Aran Agentliyi
Bu barədə Ermənistan prezidenti Serj Sarkisyan Avropa Komissiyasının sədri Joze-Manuel Barrozo ilə görüşü başa çatdıqdan sonra bildirib.
O deyib ki, Moskvada İlham Əliyevlə görüş zamanı iki ölkənin xarici işlər nazirlərinin ATƏT-in Minsk qrupu həmsədrlərinin təklif etdiyi «Madrid» prinsipləri əsasında danışıqları davam etdirəcəkləri barədə razılıq əldə olunub.
«Əgər biz bu prinsiplər üzrə təmas nöqtəsi əldə edə bilsək, onda təməl həll prinsipləri üzrə saziş imzalanmalıdır. Bundan sonra əsas müqavilə imzalanacaq», deyən Sarkisyan əlavə edib ki, bu mərhələdə ictimai müzakirələr zərurəti yaranacaq.
Azərbaycan dövlət başçısı ilə görüşləri haqda danışan Sarkisyan bildirib ki, bu görüşlər «müsbət qərarların əldə edilməsinə şərait yaradır», bu barədə «Ermənistan» telekanalı məlumat verir.
Xatırladaq ki, «Madrid prinsipləri» Dağlıq Qarabağın statusunun müəyyən edilməsi üçün referendum keçirilməsini nəzərdə tutur.