GÜRCÜSTAN SERVİSİ/ARAN AGENTLİYİ
Noyabrın 28-də Gürcüstanın Poti limanının sahil mühafizə xidmətinin əməkdaşları və ətraf mühitin mühafizəsi üzrə müfəttişliyin əməkdaşları Türkiyə bayrağı altında üzən “Cans-1” tankerini saxlayıblar. “Novosti-Qruziya” agentliyinin məlumatına görə, tanker ətraf mühitin çirklənməsi faktı ilə bağlı saxlanılıb. Sərhəd polisindən bildiriblər ki, İnzibati Hüquq Pozuntuları Kodeksi əsasında tanker 65 min lari (40,6 min dollar) cərimə ödəməli olacaq.