Tarix : 2008 Dec 27
Kod 9479

Yüz lehinə, 7 əleyhinə. Referendum martın 18-də keçiriləcək

Milli Məclis «Azərbaycan Respublikası Konstitusiyasına əlavələr və dəyişikliklər edilməsi haqqında» referendum aktı layihəsini təsdiqlədi
Azərbaycan SERVİSİ/ARAN AGENTLİYİ
Milli Məclis «Azərbaycan Respublikası Konstitusiyasına əlavələr və dəyişikliklər edilməsi haqqında» referendum aktı layihəsini təsdiqlədi. 100 nəfər qərarın lehinə, 7 deputat əleyhinə səs verib. 1 nəfər bitərəf qalıb, 2 nəfər səs verməyib.

Konstitusiya dəyişikliyi ilə bağlı parlamentin qərar layihəsində qeyd olunur ki, referendum gələn ilin martın 18-də keçiriləcək.

Konstitusiya Məhkəməsi «Azərbaycan Respublikası Konstitusiyasına əlavələr və dəyişikliklər edilməsi haqqında» referendum aktı layihəsinə dekabrın 24-də müsbət rəy verib. Layihəni məhkəməyə dekabrın 19-da Milli Məclis göndərib.

Əsas Qanuna iyirmidən çox dəyişiklik təklif olunsa da, əsas dəyişiklik bir nəfərə iki dəfədən çox prezident seçilmək haqqının verilməsi ilə bağlıdır. Təklifi hakim Yeni Azərbaycan Partiyası irəli sürüb.
  • Yazılıb
  • da (də) 2008 Dec 27