2011-ci ildən 2017-ci ilə kimi qızlara verilən adlar arasında Zəhra ilk sıradadır.
Arannews- Azərbaycanda ötən il (2016-cı ildə) doğulan körpələrə ən çox verilən ilk beş ad Yusif (3398), Zəhra (3008), Hüseyn (2363), Əli (2197) olub.
Ədliyyə Nazirliyindən verilən məlumata görə, 2011-ci ildən 2017-ci ilə kimi ölkədə doğulan oğlan uşaqlarına verilən adlar arasında Yusif adı ilk yerdə olub. 2011-ci ildə 4170, ötən il isə 3398 körpəyə Yusif adı verilib. Ümumillikdə isə 2013-cü ildən sonra bu il də daxil olmaqla 17 minə yaxın körpəyə Yusif adı qoyulub.
2011-ci ildən 2017-ci ilə kimi oğlanlara verilən adların siyahısında Yusifdən sonra Əli, Hüseyn adları yer alıb.
2011-ci ildən 2017-ci ilə kimi qızlara verilən adlar arasında Zəhra ilk sıradadır. Qızlara qoyulan adların siyahısında ilk yerləri Zəhradan sonra Nuray və Fatimə adları bölüşüb.
2011-ci ildə 3756, ötən il isə 3008 qıza Zəhra adı verilib. Son beş ildə 16 minə yaxın qız uşağına Zəhra, 10549-na Fatimə adı verilib.
Ötən il körpələrə çox verilən adlar arasında Zeynəb (1863, son beş ildə 7655), Məhəmməd (1438, son beş ildə 6743) kimi adlar olub.
Bundan başqa, ötən il oğlanlara verilən adlar arasında Murad, Tunar, İbrahim, Kənan, Ümid, Nihad, Həsən, Rəsul, Mehdi, İsmayıl, Fərid, Amin, Sadiq, qız uşaqlarına verilən adlar arasında isə Məryəm, Mədinə, Xədicə, Leyla, Səma, Nəzrin, Əsma, Nərgiz kimi adlar üstünlük təşkil edib.
Bu il doğulan körpələrə qoyulan adlar arasında da Yusif (29) və Zəhra (17) adları liderdir.