İslam İnqilabı Keşikçiləri Korpusunun Ali Baş Komandanı, Amerika siyasətinin təkfirçi terrorizm və İslam dünyasında qanlı təfriqələrin yaradılması fenomeninin səbəbi olduğunu vurğulayıb. General-mayor Hüseyn Səlami, 13 aban (3-4 noyabr) Qlobal Hegemoniya ilə Mübarizə Milli Günü və Şagirdlər Günü ilə əlaqədar Tehranda ABŞ-ın casusluq yuvası (səfirlik binası) qarşısında keçirilən anma mərasimində bildirib ki, Amerika dünya sülhü, təhlükəsizliyi və dünya nizamından dəm vursa da, əslində bütün cinayətlərin, qırğınların və işğalların mənbəyidir. O, Amerikanın Xirosima və Naqasakiyə atılan atom bombaları ilə 100.000-dən çox insanın ölümünə səbəb olmasını xatırladıb.
arannews:irna-General-mayor Salami, Amerikanın 1949-cu il və 1953-cü il dövlət çevrilişi ilə İslam İnqilabından öncəyə qədər İranda hərbi, siyasi və iqtisadi hökmranlıq yaratdığını qeyd edib. O, Amerikanın İran xalqını ram edə bilmədiyini və İran xalqının bütün sanksiyalardan keçdiyi üçün Amerikanın uğursuzluğa düçar olduğunu bildirib. Səlami, ABŞ-ın bölgədə həyata keçirə bilmədiyi “İbrahim Sülhü” anlaşmasına islahat planına işarə edərək, ABŞ-ın yenidən uğursuzluğa düçar olduğunu və bu məğlubiyyətin İran kimi böyük dövlətlərdən gəldiyini öyrəndiyini vurğulayıb. İslam İnqilabı Keşikçiləri Korpusunun Ali Baş Komandanı, Amerika və sionist rejimin davranışlarına davam edərsələr, süquta doğru addımlayacaqlarını bildirib. O, müsəlmanların öz ləyaqət, şərəf və izzətlərinin sionizm və Amerika tərəfindən qurban verilməsinə icazə verməyəcəyini bəyan edib.